16.04.2021

16.04.2021 У Жлобінскім раёне прайшоў адзіны дзень інфармавання

Учора, 15 красавіка, у Жлобінскім раёне прайшоў традыцыйны адзіны дзень інфармавання. Інфармацыйныя групы, якія дзейнічаюць пры райвыканкаме, сустрэліся з працоўнымі калектывамі ПМК-71 «Металургтранса», камбіната бытавога абслугоўвання, жыхарамі Шчадрынскага сельсавета, а таксама з навучэнцамі і педагогамі металургічнага каледжа і СШ № 7. Напярэдадні 76-й гадавіны Вялікай Перамогі і памятных дат – 80-годдзя контрудара на Дняпры 63-га стралковага корпуса генерала Леаніда Пятроўскага і пачатку вайны размова ішла аб актуальным - захаванні гістарычнай памяці. Сёння наваяўленыя гісторыкі спрабуюць прынізіць вырашальны ўклад савецкага народа ў перамогу над фашызмам. Мэта такой рэвізіі - сказіць праўду пра вайну ў неакрэплых розумах моладзі. Пра гэта ў металургічным каледжы гаварыў начальнік аддзела ідэалагічнай работы, культуры і па справах моладзі райвыканкама Сяргей Паграбецкі. Таксама навучэнцы і педагогі гэтай навучальнай установы былі праінфармаваны аб ходзе на Жлобіншчыне кампаніі па правядзенні вакцынацыі супраць COVID-19. Закраналіся пытанні па папярэджанні незаконнага абароту наркотыкаў сярод непаўналетніх і моладзі. Гэтыя тэмы былі падняты і ў іншых калектывах, дзе пабывалі інфармацыйныя групы. Н. ВАРАНОВІЧ. Фото: Н. СЕМЯНЕЦ. Крыніца: https://ndsmi.by/