24.01.2025

Жлобінскі раён падключыўся да рэспубліканскай акцыі "Наш жывёлавод"

Сёння, 24 студзеня, Жлобінскі раён падключыўся да рэспубліканскай акцыі "Наш жывёлавод", якая ўжо не першы год праводзіцца па ініцыятыве Беларускага прафсаюзам работнікаў АПК і Міністэрства сельскай гаспадаркі і харчавання Беларусі.

Старшыня Жлобінскай раённай арганізацыі прафсаюза працаўнікоў АПК Алена Хічова журналісту "Новага дня" паведаміла:

- Акцыя "Наш жывёлавод" стала ўжо традыцыйнай. Яна дапамагае згуртаваць людзей, аддзячыць за іх нялёгкую працу. У бягучым годзе ў нашым раёне яна стартавала ў ААТ "Свярдлоўскі". І будзе доўжыцца каля двух месяцаў, каб мы, прадстаўнікі прафсаюза аграрыяў і райсельгасхарча, змаглі пабываць ва ўсіх сельгаспрадпрыемствах раёна, сустрэцца з усімі працаўнікамі ферм.

Лідэр прафсаюза аграрыяў Жлобінскага раёна Алена Хічова разам з начальнікам аддзела эканомікі ўпраўлення сельскай гаспадаркі і харчавання райвыканкама Юліяй Вялковай пабывала сёння на малочнатаварным комплексе ААТ "Свярдлоўскі", на іншых жывёлагадоўчых аб'ектах гаспадаркі. Яны пагутарылі з жывёлаводамі і ўручылі для кожнай фермы падарункі - электрачайнікі.

Звяртаючыся да жывёлаводаў ААТ "Свярдлоўскі", Алена Хічова адзначыла:

- За 2024 год у параўнанні з папярэднім годам у вашай гаспадарцы вытворчасць малака была павялічана на 7%, атрымана 6359 тон прадукту. Выдатны вынік паказаны па сярэдніх надоях на карову - 5321 кілаграм. Упэўненыя, што ў 2025 годзе вытворчыя вынікі ў вас будуць яшчэ вышэйшыя. А значыць і зарплата ўзрасце. Жадаем вам поспехаў і здароўя!

ndsmi.by