Ганаровы грамадзянін аграгарадка Чырвоны Бераг

Васільчык Віктар Міхайлавіч нарадзіўся ў Астраўцы Гродзенскай губерні 7 лістапада 1895 года. Служыў у царскім войску. Праз тыдзень падтрымаў рэвалюцыю – удзельнічаў у баях з белапалякамі, немцамі, у грамадзянскай вайне. Член ВКП (б). Старэйшы унтэр-афіцэр. Апошнія гады служыў у Бабруйску начальнікам харчовай службы Заходняга аператыўнага ўпраўлення БВА, што цяперашняя пасада адпавядае званню падпалкоўнік.

Перад вайной працаваў дырэктарам трусаводчага саўгаса каля г. Бабруйска і варэнькавага завода ў Чырвоным Беразе Жлобінскага раёна.

Жлобінскі райкам партыі пакінуў яго на акупаванай тэрыторыі для падпольнай працы. Увайшоў у давер да немцаў і стаў бургамістрам Краснабярэжскай воласці. Знаходзячыся на пасадзе, ратаваў мірнае насельніцтва, выдаваў даведкі ад згону ў Нямеччыну. Забяспечваў партызан абмундзіраваннем, узбраеннем і боепрыпасамі, прадуктамі харчавання, соллю, медыкаментамі, брызентам… Паведамляў разведінфармацыю аб ворагах, перамяшчэнні войскаў і тэхнікі і г.д. Перадаў у партызанскі атрад 30 кг зброевага алею, 40 л бензіну, 20 кг аўтала, 2 бочкі павідла, тытунь, бланкі "аўсвайк" і інш. Сам асабіста здзяйсняў подзвігі, рызыкуючы жыццём: падарваў два ж/саставы з людзьмі і тэхнікай. Немцы падазравалі, свае ненавідзелі, але ён заставаўся патрыётам. Толькі пры вызваленні Чырвонага Берага 20 чэрвеня 1944 года насельніцтва даведалася пра яго сапраўдную працу. Напярэдадні ён пайшоў да партызанаў, не чакаючы выкрыцця.

Пасля вайны працягваў працаваць на вараньеварачным заводзе дырэктарам, пасля да выхаду на пенсію - нам. дырэктара па гаспадарчай частцы саўгаса "Малевічы" Жлобінскага р-на. Яшчэ 20 гадоў за ім "назіралі" камітэтныя органы - ці не аддаўся ён немцам. У 1965 годзе яму ўручаюць медаль "За баявыя заслугі" і нагрудны знак "Ганаровы партызан Беларусі".

17 ліпеня 2013 года па ініцыятыве мясцовых жыхароў Краснабярэжскі сельвыканкам адрывае памятную дошку на вуліцы, дзе ён жыў. 12 лістапада 2014 года сесія Краснабярэжскага Савета падтрымала зварот педагагічнага калектыву Краснабярэжскай сярэдняй школы і савета ветэранаў, прысвоіла яму пасмяротна званне "Ганаровы грамадзянін аграгарадка Чырвоны Бераг".

Памёр і пахаваны 12 снежня 1971 года на зямлі, якую ён абараняў.