Жлобінскі раённы
выканаўчы камітэт

Старшыня Савета Рэспублікі Нацыянальнага сходу Рэспублікі Беларусь на працягу сённяшняга дня працуе ў Жлобіне - вядзе асабісты прыём грамадзян. Сярод заяўнікjў - ёсць і жыхары Жлобінскага раёна.

Так, жыхар вёскі Новыя Маркавічы Сяргей Міхайлавіч Станкоў звярнуўся да сенатара з просьбай у садзейнічанні: заасфальтаваць дарогу ад хутара, дзе ён жыве, да цэнтра населенага пункта, дзе знаходзяцца крама, аптэка, пошта, аўтобусны прыпынак і іншыя сацыяльна важныя аб'екты.
Наталля Качанава звярнулася да старшыні Жлобінскага райвыканкама Сяргея Ярца па тлумачэнні:

- Асаблівая ўвага - жыхарам вёскі. Наш Прэзідэнт заўсёды гаворыць аб стварэнні камфортных умоў у вёсцы. Практычна на ўсіх прыёмах жыхары сельскай мясцовасці агучваюць пытанні па дарогах. А гэтыя людзі - наш залаты фонд, - акцэнтавала Спікер. - Трэба кардынальна вырашыць пытанне, каб не вяртацца да гэтай тэмы, - даручыла Старшыня Савета Рэспублікі.

Сяргей Ярэц запэўніў, што гэта пытанне будзе закрытае да 1 ліпеня.

Заяўніцу са Жлобіна, Людмілу Міхайлаўну Козіну, таксама хвалюе праблема добраўпарадкавання дарогі ў вёсцы Скепня, дзе знаходзіцца бацькоўская хата і дзе ў летні перыяд жыве яе маці-пенсіянерка:

- Глыбокія ямы па вуліцы Пушкіна не дазваляюць праехаць хуткай дапамозе, газаўшчыкам, камунальнікам. У дажджлівы перыяд дарогу падмывае, што робіць яе літаральна непраходнай.

Старшыня Савета Рэспублікі ўважліва выслухала жанчыну, задала некалькі дадатковых пытанняў і пацікавілася ў кіраўніка Жлобінскага раёна, якім чынам можна вырашыць дадзеную праблему.

Сяргея Ярэц адзначыў, што пытанне прапрацавана: на ўчастку дарогі, які цікавіць заяўніцу, будзе праведзена водапаніжэнне і добраўпарадкаванне.

ndsmi.by