05.11.2024 У Жлобінскім металургічным каледжы прайшла дыялогавая пляцоўка "Роля ўстаноў адукацыі ў фарміраванні асобы лідара"
Спікеры прапанавалі дзецям жывыя зносіны, пачаўшы iх нетрывіяльна - з аповеду аб сваёй вучобе ў дадзенай установе адукацыі, любімых настаўніках і прадметах, студэнцкай дружбе, вядомых выпускніках каледжа, падзяліліся сваімі юнацкімі ўспамінамі.
Дэпутаты раённага Савета дэпутатаў - майстар цэха кантрольна-вымяральных прыбораў і аўтаматыкі БМЗ Аляксей Прыходзька, намеснік старшыні прафсаюзнага камітэта прадпрыемства Арцём Макарэвіч, старшы майстар СПЦ-2 БМЗ Ігар Дзікавіцкі, а таксама начальнік бюро па рабоце з моладдзю завода, член Цэнтральнага камітэта ГА "БРСМ", Вышэйшага палітычнага Савета партыі "Белая Русь" Андрэй Ананчыкаў распавялі пра сваю працу на Беларускім металургічным заводзе і пра тое, як вучоба ў каледжы паўплывала на іх асабістае развіццё, удасканаленне лідэрскіх якасцяў. Кожны з іх адзначыў, што навучальная ўстанова адыгрывае вялікую ролю ў выбары шляху, галоўнае, каб у цябе былі важкі багаж ведаў і жаданне рухацца наперад.
Аб выбары свайго жыццёвага шляху расказаў і спецыяльны спікер - дэпутат Палаты прадстаўнікоў Нацыянальнага сходу Рэспублікі Беларусь 8-га склікання Аляксандр Малабіцкі.
Падчас сустрэч госці абмеркавалі з навучэнцамі падзеі, якія адбываюцца сёння на сусветнай арэне, у Беларусі і на Жлобіншчыне. Не прайшлі для прысутных не заўважанымі прайшоўшыя II Мінская міжнародная канферэнцыя па еўразійскай бяспецы, прадаўжэнне праграмы сямейнага капіталу, рэспубліканская грамадска-культурная акцыя "Марафон адзінства" і іншае. Галоўнай падзеяй, несумненна, стала назначэнне даты выбараў Прэзідэнта Беларусі.
Гаворка зайшла і пра тое, як моладзі не згубіцца ў перадвыбарных абяцаннях кандыдатаў і як разабрацца ў інфармацыйных плынях, адрозніць рэальнасць ад фэйкаў. Спікеры далі некалькі рэкамендацый - вывучыць біяграфію кандыдатаў, азнаёміцца з іх перадвыбарнымі праграмамі, прааналізаваць, якіх поспехаў яны дабіліся ў сваёй дзейнасці.
Аляксандр Малабіцкі падкрэсліў:
- Выбары - гэта гістарычны момант, які вызначыць лёс беларускага народа. З кожным днём інфармацыйны напал будзе ўзрастаць, і моладзі ў сілу яе эмацыйнасці і гарачнасці асабліва складана будзе зразумець, у які бок рухацца. Уключайце крытычнае мысленне, унікайце ў тое, што адбываецца, аналізуйце, ці зможа чалавек апраўдаць давер выбаршчыкаў, якія вынікі ў яго за плячыма, якімі навыкамі і кампетэнцыямі ён валодае. І галоўнае, не паддавайцеся на правакацыі! Зладжаная работа і абдуманы выбар кожнага з нас дазволяць нам і далей жыць у мірнай краіне.
Інтэрнэт-рэсурсы 
