15.11.2024 Жлобінскія кандытары заваявалі медалі на міжнародным чэмпіянаце
З 12 па 14 лістапада каманда Жлобінскага дзяржаўнага каледжа сферы абслугоўвання прыняла ўдзел у Міжнародным чэмпіянаце кандытарскага мастацтва ў намінацыі "Пранікі 2D, 3D".
У склад каманды ўвайшлі Шведава Валерыя і Івашкіна Ніка (кіраўнік Талмачова Аксана Валер'еўна), а таксама Гаўрылава Дар'я і Яфіменка Марыя (кіраўнік Станько Жанна Анатольеўна).
Чэмпіянат праходзіў у рамках 9-га Міжнароднага хлебнага салона і 30-й аптовай выставы-кірмашу "ПРАДЭКСПА - 2024". Па выніках конкурсу Шведава Валерыя і Івашкіна Ніка заваявалі два сярэбраныя медалі, а Яфіменка Марыя і Гаўрылава Дар'я — адзін сярэбраны і адзін бронзавы адпаведна.
— Мы ўдзельнічаем у гэтым конкурсе не першы год і ўжо заваёўвалі залатыя медалі. У гэтым годзе мы таксама задаволены вынікамі і плануем удзельнічаць у чэмпіянаце і ў будучыні, — адзначыла намеснік дырэктара па вучэбнай рабоце Ірына Фаменка.
Інтэрнэт-рэсурсы 
