Жлобінскі раённы
выканаўчы камітэт

Веласіпедны транспарт з'яўляецца адным з найбольш запатрабаваных грамадзянамі з прычыны сваёй зручнасці, даступнасці і эканамічнасці.

Разам з тым, у сувязі з бестурботнасцю нашых жыхароў веласiпеды часта становяцца аб'ектамі злачынных замахаў.

Так, сёлета здзейснена больш за 30 крадзяжоў веласiпедаў, пераважна пакінутых без нагляду і не абсталяваных блакавальнымі прыладамі.

У асноўным выкрадаюцца веласiпеды, пакінутыя ў гандлёвых аб'ектаў, а таксама якія захоўваюцца ўладальнікамі ў пад'ездаў жылых дамоў і на лесвічных пляцоўках.

Да прыкладу, двое раней судзімых асоб, знаходзячыся ў двары аднаго з прыватных дамоў у г. Жлобіне, шляхам свабоднага доступу выкралі веласіпед і электраінструмент, пасля чаго з месца здарэння ўцяклі.

У іншым выпадку 37-гадовы жыхар г. Жлобіна ад пад'езда шматкватэрнага дома выкраў веласiпед, які не быў прышпілены тросам.

Меў месца факт крадзяжу веласiпеда з тамбура аднаго з цягнікоў рэгіянальных ліній, уладальнік якога за ім не назіраў.

З мэтай прадухілення крадзяжоў веласiпедаў АУС Жлобінскага райвыканкама нагадвае:

• не пакідайце веласiпед без нагляду;
• паркуйце веласiпеды ў прызначаных для гэтага месцах;
• выкарыстоўвайце блакавальныя прылады;
• пасля пакупкі сфатаграфуйце веласiпед і запішыце яго серыйны нумар.

Адначасова звяртаем увагу грамадзян на факт наяўнасці адміністрацыйнай адказнасці за захоўванне веласiпедаў у пад'ездах жылых дамоў, што з'яўляецца загрувашчваннем месцаў агульнага карыстання і ў адпаведнасці з арт. 22.12 Кодэкса аб адміністрацыйных правапарушэннях прадугледжвае накладанне штрафу ў памеры да 20 базавых велічынь, г.зн. да 800 рублёў.

Памятайце: калі ў адносінах да Вас здзейснена супрацьпраўнае дзеянне або Вы сталі яго відавочцам, неадкладна паведаміце аб гэтым работнікам міліцыі па тэлефоне 102.