24.12.2024 Пастаянная камісія Жлобінскага райсавета дэпутатаў разгледзела эканамічныя пытанні і работу пошты
На пасяджэнні вытворча-эканамічнай пастаяннай камісіі Жлобінскага раённага Савета дэпутатаў былі разгледжаны два пытанні: "Аб рабоце рэгіянальнага вузла паштовай сувязі па арганізацыі абслугоўвання сельскага насельніцтва Жлобінскага раёна" і "Аб устанаўленні асноўных мэтавых паказчыкаў прагнозу сацыяльна-эканамічнага развіцця Жлобінскага раёна на 2025 год". Вёў пасяджэнне старшыня дадзенай камісіі, дэпутат райсавета дэпутатаў, дырэктар філіяла ВУ "Жлобінгаз" Уладзімір Міхаленка.
У пасяджэнні камісіі прыняла ўдзел кіраўнік дэпутацкага корпуса раёна Валянціна Няхай. Па першым пытанні парадку дня Валянціна Васільеўна адзначыла:
– Сёння ўзнікаюць пытанні, якія датычацца паслуг паштовай сувязі ў вёсцы, адчуваецца недастатковы ахоп насельніцтва, у шэрагу выпадкаў адсутнічаюць камфортныя ўмовы пры абслугоўванні людзей матарызаваным спосабам у розную пару года. Недапрацоўкі неабходна ўхіліць.
На гэтыя моманты ўвагу кіраўніцтва раённага вузла паштовай сувязі звярнуў і дэпутат райсавета дэпутатаў, дырэктар ААТ "Свярдлоўскі" Алі Ахмедаў.
Была заслухана начальнік раённага вузла паштовай сувязі Гомельскага філіяла РУП "Белпошта" Аксана Сталбунова. Ёй былі пастаўлены задачы: правесці маніторынг штодзённай выручкі па вёсцы Антонаўка Майскага сельсавета, прапрацаваць пытанне адкрыцця сельскага аддзялення паштовай сувязі ў гэтым жа населеным пункце, прапрацаваць пытанне набыцця аўтамабіля на базе МАЗ або газон NEXT для забеспячэння камфортных умоў абслугоўвання сельскага насельніцтва матарызаваным спосабам.
Па другім пытанні выступіла начальнік аддзела эканомікі райвыканкама Наталля Плашкова. Яна паведаміла, што ў 2025 годзе ў эканоміцы раёна плануецца рост вытворчасці прамысловай і сельскагаспадарчай прадукцыі, экспарту, інвестыцый, заработнай платы і інш. Дэпутаты рэкамендавалі кіраўнікам прадпрыемстваў улічваць дадзеную інфармацыю пры фарміраванні бізнес-планаў сваіх арганізацый на 2025 год.
Інтэрнэт-рэсурсы 
