06.12.2024 Сэрвісная служба "Беларуснафты" абнавіла абсалютны рэкорд бурэння горных парод
Сэрвісная служба па нахілена-накіраваным бурэнні "Беларуснафты" абнавіла абсалютны рэкорд бурэння горных парод, паведамілі БЕЛТА на прадпрыемстве.
Аб вытворчых дасягненнях праінфармавалі ў сэрвіснай службе па нахілена-накіраваным бурэнні ўпраўлення па павышэнні нафтааддачы пластоў і рамонце свідравін, а таксама цэнтры ўпраўлення будаўніцтвам свідравін НГЗУ "Рэчыцанафта". Так, у лістападзе буравыя брыгады СУБР і УПНПіРС прайшлі 24 997 м горных парод з тэлеметрычным суправаджэннем бурэння і кіраваннем скрыўлення свідравін.
"Гэта абсалютны рэкорд па колькасці метраў у месяц па гэтым паказчыку. Папярэдняе максімальнае значэнне - 24 975 м - было ўстаноўлена ў красавіку гэтага года. Яно перавышана на 22 м", - расказалі на прадпрыемстве.
Вытворчае аб'яднанне "Беларуснафта" створана ў 1966 годзе. Прадпрыемства вядзе пошук, разведку і распрацоўку нафтавых радовішчаў, бурэнне свідравін, здабычу нафты і спадарожнага нафтавага газу ў Беларусі, працуе ў нафтавай сферы іншых краін.
Інтэрнэт-рэсурсы 
